Mazkur maqolada jinsiy daxlsizlikka qarshi qaratilgan jinoyatlarda voyaga yetmagan jabrlanuvchilarning viktimologik tavsifiga doir masalalar tahlil etilgan. Voyaga yetmaganlar jinsiy daxlsizligi va erkinligiga qarshi qaratilgan jinoyatlar kriminologik jihatdan oʻrganish va buning viktimologik jihatlari kriminologiyaning tarkibiy qismini tashkil etishi yuzasidan ham fikrlar oʻrganilgan. Shuningdek, voyaga yetmaganlar jinsiy daxlsizligi va erkinligiga qarshi qaratilgan jinoyat sodir qilgan jinoyatchi shaxsiga qonun yoʻli bilan bunday jinoyatning oldini olishning qanday choralari koʻrilishi mumkinligi taʼkidlab oʻtilgan. Voyaga yetmagan shaxslarning hayotiy tajribasi hamda huquqiy ongi yetarli emasligi bu turdagi jinoyatlar latentligi har doim yuqori darajada boʻlishiga bevosita taʼsir etib turishi ham maqolada oʻz aksini topgan. Shuningdek, maqolada voyaga yetmaganlar viktimligi tipologiyasi bilan bogʻliq masalalar tahlil etilgan. Jumladan, voyaga yetmaganlar jinsiy daxlsizligi jinoyatidagi jabrlanuvchilar potensial qurbon, tasodifiy, latent, koʻmaklashuvchi, passiv, faol xulq-atvorga boʻlib oʻrganilgan hamda taklif va tavsiyalar berilgan. Muallif maqolada voyaga yetmaganlar jinsiy daxlsizligida jabrlanuvchi boʻlishdagi omillarni va uning latentligini ham ochib beradi.