Joriy son

KRIMINOLOGIYA VA JINOIY ODIL SUDLOV 2-SON / 2025

Ushbu sonda keyingi mavzular yoritilgan
Maqolalar bilan tanishib chiqish
PDF yuklash
FUQAROLARNING REPRODUKTIV SALOMATLIGINI MUHOFAZA QILISH USTIDAN PROKUROR NAZORATINI TAʼMINLASH MUAMMOLARI

Sobitova Umidaxon Murod qizi

Toshkent davlat yuridik universiteti Sud, huquqni muhofaza qiluvchi organlar va advokatura kafedrasi oʻqituvchisi, mustaqil izlanuvchi

Annotatsiya
Ushbu ilmiy maqolada zamonaviy voqelik sharoitida fuqarolarning reproduktiv salomatligini himoya qilish boʻyicha prokuror nazoratining asosiy jihatlari oʻrganiladi. Koʻrib chiqilayotgan mavzuning dolzarbligi fuqarolarning sogʻligʻiga boʻlgan huquqlarini taʼminlash va ijtimoiy siyosat hamda inson huquqlarini himoya qilishning muhim tarkibiy qismi boʻlgan reproduksiya bilan bogʻliq sifatli tibbiy xizmatlardan foydalanish zarurati bilan belgilanadi. Muallif reproduktiv tibbiyot sohasidagi prokuror nazoratini tartibga soluvchi amaldagi qonunchilik normalarini, shuningdek, uni amalga oshirishning samarali mexanizmlarini tahlil qiladi. Tadqiqot prokuratura faoliyatining asosiy yoʻnalishlarini qamrab olgan boʻlib, asosiy eʼtibor sogʻliqni saqlash sohasidagi qonunchilikka rioya etilishini nazorat qilish, ayollar va erkaklarning reproduktiv xizmatlardan foydalanish huquqlarini himoya qilish, shuningdek, kamsitish va tibbiy texnologiyalardan maqsadsiz foydalanish bilan bogʻliq amaliyotlarning oldini olishga qaratilgan. …
QO‘SHIMCHA JAZO TUSHUNCHASI VA IJTIMOIY MAZMUNI

Ametova Nurjamal Qudaybergenovna

Berdaq nomidagi Qoraqalpoq davlat universiteti doktoranti

Annotatsiya
Mamlakatimiz jinoyat qonunchiligida jazolar an’anaviy tarzda asosiy va qo‘shimcha jazolarga ajratiladi. Bunday tasnif aksariyat xorijiy davlatlarning jinoyat qonunchiligida ham mavjud bo‘lib, u jinoyat-huquqiy siyosatni takomillashtirish va jazoni individuallashtirishga xizmat qiladi. Jazolarni bunday farqlash natijasida qo‘shimcha jazolarning mohiyati, maqsadi, vazifalari hamda ularning ijtimoiy-huquqiy ahamiyati haqida ilmiy-nazariy muhokamalar olib borish zarurati yuzaga keladi. Qo‘shimcha jazolarning mohiyati va yuridik tabiati bilan bog‘liq muammolar O‘zbekiston Respublikasi Jinoyat kodeksida jazo tushunchasiga berilgan umumiy ta’rif, ya’ni uning asosiy va qo‘shimcha turlariga aniq ajratilmagani sababli yuzaga keladi. Jazoning maqsadi, uni tayinlash tartibi va qo‘llash jarayonida ham shunga o‘xshash holat kuzatiladi. …
KIBERJINOYATLARNING TURLARI VA ULARNING OʻZIGA XOS XUSUSIYATLARI

Mirzakarimova Dilafruz Doniyorjon qizi

Fargʻona davlat universiteti Huquq taʼlimi kafedrasi oʻqituvchisi

Annotatsiya
Ushbu maqolada kiberjinoyatlar, ularning turlari, kelib chiqishi va rivojlanish tarixi haqida maʼlumotlar berilgan. Avvalo, kiberjinoyat deganda qanday jinoyatlar tushunilishi, ularning tasnifi va xususiyatlari talqin qilingan. Bundan tashqari, zamonaviy raqamli dunyoda kiberjinoyatlarning oʻsish sabablari va unga qarshi kurashish uchun koʻriladigan chora-tadbirlar muhokama qilindi. Kiberjinoyatlarning sodir etilishi sabablari, ularga zamin yaratayotgan xavfsizlik tizimidagi boʻshliqlar, kiberjinoyatlar uchun javobgarlik masalasi, shuningdek, bu boradagi ishlarning hozirgi holati muhokama qilindi. Maqolada, shuningdek, nusxa olish metodidan foydalanilgan. Yaʼni kiberjinoyatlar bilan bogʻliq maʼlumotlar, kiberjinoyatlar sodir etilgan holatlar, ularni aniqlash va tergov qilish, javobgarlik choralarini belgilash kabi masalalar xorijiy davlatlar tajribasidan kelib chiqib oʻrganilgan. …
YUQОRI INSTANSIYA SUDLARI FAОLIYATIDA SUNʼIY INTELLEKTDAN ОQILОNA FОYDALANISH ISTIQBОLLARI

Sadriddinоva Latоfat Husniddin qizi

Tоshkent davlat yuridik universiteti tayanch dоktоranti

Annotatsiya
Mazkur maqоlada sud ishlarini yuritishda sunʼiy intellektning hоzirgi hоlati va jоriy etilishi, uning Yevrоpa axlоqiy Xartiyasida (CEPEJ) huquqiy kоnsоlidatsiyasi va ishоnchli sunʼiy intellekt uchun axlоqiy kо‘rsatmalar tahlil qilinadi. Muallif baʼzi xоrijiy mamlakatlarning jinоiy prоtsessual faоliyatida algоritmlardan fоydalanish masalalarini kо‘rib chiqadi. Bundan tashqari, ishda jinоyat jarayоnini muqarrar ravishda raqamlashtirish sudyaga tashkiliy-huquqiy faоliyatda yоrdam berishga, adоlatning оchiqligi, shaffоfligini taʼminlashga, fuqarоlarning huquqlari va manfaatlarini kafоlatlashga, himоya qilish huquqlariga, ish yuritishni sоddalashtirishga va sud jarayоnini tezlashtirishga yоrdam berishi kerakligi haqidagi tezis asоslanadi. Sudyani sunʼiy intellekt bilan almashtirish mumkin emas, chunki hukm axlоqiy qadriyatlar, sudyaning kasbiy va kundalik tajribasi bilan bоgʻliq bо‘lib, uni avtоmatlashtirilgan tizim taʼminlay оlmaydi. …